“BHP Billiton” “Rio Tinto”-гийн 13 хувийг 147 тэрбум доллараар авах санал тавилаа
Дэлхийн уул уурхайн салбарын томоохон компани Австралийн “BHP Billiton” Британийн “Rio Tinto” компанийн 13 хувийг 147 тэрбум америк доллараар үнэ цохиж худалдан авах санал гаргасан талаар “Bloomberg” мэдээлжээ. Ингэх болсон шалтгаан нь Хятадын төрийн мэдлийн “Chinalco” компани “Rio Tinto”-ийн 12 хувийг худалдан авсанд байгаа ажээ.
Ханш өссөний дараа 2 сарын 6-нд Сидней бирж дээр индекс 7,5 хувиар буурсан нь Австралид сүүлийн хорин жилд гараагүй үнэт цаасны уналт болсон юм. Учир нь “Rio Tinto”-г худалдан авахын тулд “BНP Billiton” их хэмжээний зээл авчээ. Ингэснээр өр нь 7 дахин нэмэгдэж 85 тэрбум доллар хүрсэн байна.
Үүнээс гадна австрали долларын ханш өндөр, металлын үнэ хямд байгаагаас “BНP Billiton” компанийн ашиг сүүлийн таван жилд анх удаа буурсан тухай мэдээлжээ. “BНP Billiton”, “Rio Tinto” компаниуд нэгдсэн бол дэлхийн зах зээл дэх төмрийн хүдэр, хөнгөн цагаан, нүүрсний гуравны нэгийг хянасан томоохон компани үүсэх байлаа.
Эшлэсэн эх сурвалж:
- BHP, Fending Off Chinalco, Raises Hostile Rio Offer - Bloomberg, 06.02.2008
- Chinalco и Alcoa купили долю в Rio Tinto за 14 миллиардов долларов - Lenta.ru, 01.02.2008
- Горнодобывающая компания Rio Tinto продаст активов на 30 миллиардов долларов - Lenta.ru, 27.11.2007